Nortzuk gara - Errotik
15676
page-template,page-template-full_width,page-template-full_width-php,page,page-id-15676,ajax_fade,page_not_loaded,,qode-title-hidden,hide_top_bar_on_mobile_header,qode-child-theme-ver-1.0.0,qode-theme-ver-17.2,qode-theme-bridge,qode_header_in_grid,wpb-js-composer js-comp-ver-5.6,vc_responsive

Aurkezpena

Errotik Bilbon jaiotako Kooperatiba Feminista da. 2017an eratu ginen, beste lan-eremu batzuetan eta munduko beste leku batzuetan urteak eman ondoren. Gure aniztasuna da gure ezaugarria, eta feminismotik lan egiteko eta harremanak izateko gogoak eta beharrak batzen gaitu. Matxismoa desagerrarazten eta gizartea eraldatzen laguntzea da gure egitekoa, ikuspegi feminista eta komunitarioa duten balioetan oinarritutako hezkuntzan oinarrituta.

HELBURUAK

  • Giza eskubideak defendatzea, batez ere emakume, haur, nerabe eta gazteenak eta LGTBIQ+ kolektiboko pertsonenak.
  • Indarkeria matxistaren adierazpenak prebenitzea.
  • Herritarrak sentsibilizatzea generoan oinarritutako indarkeria-mota guztien inguruan, ikuspegi intersekzionaletik.
  • Hezkuntza afektibo-sexuala, hezkidetza, hezkuntza ez-sexista eta genero-ikuspegiaren zeharkakotasuna sustatzea.
  • Garapenerako lankidetza eta hezkuntza sustatzea, ikuspegi feminista eta intersekzionala oinarri hartuta.

GU

Errotik Kooperatiba diziplina arteko taldea da, eta hainbat eremutatik datozen pertsonek osatzen dute, hala nola soziologiatik, hezkuntzatik eta gizarte-lanetik, pedagogiatik, antzerkitik, adierazpen-mugimendutik eta komunikaziotik. Gure aniztasuna da gure ezaugarria, eta feminismotik lan egiteko eta harremanak izateko gogoak eta beharrak batzen gaitu.

 

Horizontaltasunetik eta kooperatibismotik lan egiten dugu, erakundeari eusteko beharrezkoak diren zeregin guztiei balioa emanez, eta ukigarriak eta ikusezinak eta zainketakoak agertuz. Guretzat oso garrantzitsua da gure lanaren kalitatea, eta hori gerta dadin, giza harremanak erdigunean jarri behar ditugu, bai taldearen barruan, lan-giroa eta zaintza kolektiboa sortuz, bai norberaren zaintzan eta laguntza eskatzen diguten pertsona edo erakundeekiko harremanetan.

ERROTIK KOOPERATIBA

Aida

Aida de la Calle González

Ameslaria eta ERROTIK proiektuaren bazkide fundatzailea naiz, erraietatik eta bihotzetik mugitzen nauen proiektua baita.

Soziologoa naiz (edo Soziologian lizentziaduna, bederen), eta aukera berdintasunerako eta indarkeria matxisten prebentziorako politika publikoetan espezializatzen joan naiz.

Nire ibilbide pertsonal eta profesionalean, gorputzera joan eta esperientzia sortzeko beharra ikusi dut. Desira eta plazera erdigunean jarri nahi ditut. Horregatik, sexu hezkuntzan trebatu nintzen eta adierazpen mugimenduan eta terapia psikokorporalean koordinatzailea naiz (Río Abierto Sistema). Horregatik, eta maite dudalako dantzatzea!

Azken lau urteetan Udal Berdintasun eta Gazteria teknikaria izan naiz eta, aurretik, berdintasunaren eta indarkeria matxistaren arloko aholkulari aditua izan nintzen Euskadiko hainbat erakundetan. Egun, Prebentzio eta Laguntza eta Aholkularitza arloetako koordinatzailea naiz Errotiken.

Ester Escudero Espinalt

ERROTIK proiektuaren bazkide fundatzailea naiz, zeina serendipia moduko bat izan zen niretzat, hitzez azaldu ezin dudan zerbait.

Gizarte Zientzietan doktorea naiz, Gizarte Langintzan eta Gizarte Hezkuntzan graduduna.

Egunez egun ikasten jarraitzen badut ere, urteak igaro ahala, aukera berdintasunerako politika publikoetan eta indarkeria matxistaren biktima diren emakumeentzako esku hartzean espezializatu naiz, ikuspegi intersekzionaletik eta feministatik. Irakasle eta ikertzaile gisa lan egin dut esparru akademikoan eta aholkulari aditu gisa 2009az geroztik.

Gaur egun, kooperatibaren egituraren zati bat neuk ehuntzen dut, eta, batez ere, kudeaketa eta koordinazio lanak egiten ditut; aldi berean, sormena, lasaitasuna, antolatzeko gaitasuna eta proiektuei eta taldeari arreta eskaintzen saiatzen naiz.

Gisela

Gisela M. Bianchi Pernasilici

Emakumea, mestiza, feminista eta ama naiz. Maite dut bizia eta, ERROTIK proiektuaren bazkide fundatzailea naizen aldetik, proiektu honen aldeko apustua egiten dut, erdigunean biziaren iraunkortasuna jarriko duen lan esparru bat sortzeko, norberaren hazkunde prozesuaren parte eta gozamenerako.

Soziologian doktorea naiz, ikuspegi eta metodologia feministan espezializatua, besteak beste generoa, zaintza eta sexualitatearen inguruan. Ikertzaile eta irakasle gisa lan egin dut unibertsitateetarako eta erakunde publiko zein pribatuetarako.

2017az geroztik, ikerketa arloko koordinatzailea naiz eta, horrez gain, administrazio eta kudeaketa lanak egiten ditut hainbat proiektutan.

Pablo

Pablo Castilla Weeber

Emozioek gidatu dute nire formakuntza eta ibilbide profesionala, ikaskuntza ororen gune diren aldetik. Pedagogoa naiz formazioz, eta sentitzea eta pertsonen zaintza lehenesten dituen espazio honen, ERROTIKen, bazkide fundatzailea.

2006az geroztik garapenerako lankidetza eta hezkuntza proiektuetan lan egin dut teknikari gisa, hainbat herrialdetan, hala nola Kuban, Kolonbian eta Costa Rican.

Nire bizipenak, aktibismoa eta sexu hezkuntzako formakuntza eta lanbide esperientzia oinarri hartuta, sexu eta genero aniztasunean jartzen dut arreta, hezkidetzako ekintza eta programa pedagogikoak diseinatuz eta irakatsiz, eta bullying eta ziberbullying homofobikoaren eta transfobikoaren prebentzioa eginez.

Azkeneko 5 urteetan, gizarte eta lan aholkulari gisa lan egin dut Euskadin egoera ahulean dauden pertsonekin, eta nire lana genero ikuspegitik garatu dut.

Argazkilaritza soziala maite dut. Argazkigintza parte hartzaileko tailerrak egin ditut hainbat kolektiborekin. Atsegin dut metodologia hori, ahalduntzen eta sentsibilizatzen duten sormen prozesu partekatuei lotutako hizkuntza bisualari ematen dion balioagatik.

LANTALDEA

Ainara Beato Monteagudo

Marketin ikuspegia duen komunikatzailea. Ikus-entzunezko Komunikazioan lizentziatu nintzen eta Komunikazio, Ekitaldi Antolaketa eta Protokolo Masterra eta Marketina eta Enpresa Zuzendaritza Masterra ditut. Hainbat arlotako lanbideaz gozatu ahal izateko zortea izan dut, telebistako edizioan eta produkzioan esperientzia dut, aurkezle eta prestatzaile izan naiz eta hainbat urtez aritu naiz hainbat enpresa sektoretako euskal enpresetako komunikazio aholkulari gisa.

Orain, Errotik komunikazio plan estrategikoak diseinatzen ditut.

Andrea

Andrea Bosch Alfaro

Kazetaritzan graduduna naiz UPV/EHUn. Bilbok harrapatu duen donostiarra. ERROTIKen komunikatzailea naiz, eta HEGOAren Garapena eta Nazioarteko Lankidetza Masterreko amaierako lana egiten ari naiz, komunikazioari buruz, indarkeria matxistak prebenitzeko tresna gisa. Esperientzia dut komunikazio sozialean eta feministan, eta gaiarekin lotutako tailerrak, jarduerak eta ekintzak egin izan ditut.

Euskalduna, transfeminista eta internazionalista naiz.

Ane

Ane Tamayo Martínez

Webguneen diseinatzailea eta programatzailea naiz. Online posizionamenduan eta marketinean aditua.

Eta teknologia berrien, sare sozialen eta programazio lengoaien zale sutsua, beste gauza batzuen artean. Ilustrazioan eta diseinu grafikoan autodidakta naiz, eta egunero hobetzen saiatzen naiz. Ziberfeminista eta Interneteko bufoi moderno gisa, harrotasunez betetzen nau arte eta bideo jokoen kanal bat edukitzeak streamingeko plataforma ezagun batean.

Irati

Irati García López de Aguileta

Jakin-mina pizten didate gazteen joera berriek eta kalearekin zerikusia duen guztiak. Gizarte langilea naiz eta, 2016an, UPV/EHUren Ikasketa Feministak eta Generokoak Masterra egin nuen; horrek bizia aldatu zidan. Ordutik, lodifobiari eta edertasun kanonei buruzko ikerketak eta formazioa egiten ditut taldeekin. Gazteria teknikari gisa lan egin dut Citizens in Action erakundean (Atenas) eta Bizkaiko Gurutze Gorrian.

Gaur egun, proiektuen teknikaria naiz ERROTIK kooperatiba feministan.

Junkal

Junkal A. Tena

Gizarte hezitzailea naiz betidanik, nahiz eta titulua oraintsu lortu dudan. Enpresarako Giza Zientzietan lizentziaduna izateak agerian uzten du lur kooperatibisten dudala jatorria; dena den, gerora beste gai batzuetan espezializatu naiz, hala nola berdintasunean edo emakumeen aurkako indarkerien gaineko esku hartzean, eta gazteekin eta emakumeekin lan egin dut ikastetxeetan eta gizarte eragileekin. Aktibista feminista antiespezista eta euskaltzalea naiz, eta sukaldaritza beganoaren zale amorratua.

Imagen de Kattalin Izaguirre Oyanarte

Kattalin Izaguirre

Gizarte Hezkuntzan graduatua naiz eta Emakumeen Aurkako Indarkerietan esku hartzeko masterra dut. Gizarte-hezitzaile izan Naiz familia-elkargunean, eta dinamizatzailea, begiralea, zuzendaria eta hezitzailea hainbat erakunde eta elkartetan. Gorren elkarte-mugimenduko kide naiz, Gorbainako gazte-batzordean, eta ASE (Aniztasuna, Sexualitatea eta Emakumea) aniztasun funtzionalen emakume-taldeko kide.

Leire

Leire Abaigar Elorza

Kazetaritzan lizentziaduna naiz, eta Komunikazio digitalean masterra eta UX masterra. Komunikazioko eta marketineko arduradun gisa lan egin dut Bizkaiko hainbat enpresetan, hitzaldi eta solasaldi feministak moderatu ditut, eta emakumeei zuzendutako ahalduntzerako formakuntza digitalak eskaini ditut, baita gazteei Beldur Barik lehiaketara aurkezteko tailerrak ere.

Errotikeko bezero eta erabiltzaileekin harremanetan nago etengabe, euren beharrizanak ulertzeko eta ahalik eta modu irisgarrienean eta erabilgarrienean erantzuteko.

ERROTIKen komunikazio arduraduna naiz 2018az geroztik.

Sabina

Savina Lafita Solé

Antropologoa naiz bokazioz, eta aditua ikasketa feminista eta generokoetan, erremediorik gabe. Erasmus programaren baitan Portugalera joan nintzenean, herrietako jaien ondare dinamikak aztertzen hasi nintzen eta, nire formakuntza eta uste osoa lagun, genero ikuspegia txertatzen joan naiz jai esparruan.

Bilbora iritsi eta gutxira, emakumeen memoriaren prozesuak ikertzen hasi nintzen, eta euskal lurraldean memoria feminista aktibatzeko ekimenak bultzatu ditut. Ama naizenetik, amatasun feministaren mundu izugarrian murgildu naiz, pentsamendu kritikotik, jardunbide aktibistatik eta gorpuztutako bizipenaren frenesitik.

Nondik abiatuko gara?

Bai gure barne-dinamikak, bai egiten dugun lana, gizartea eraldatzeko funtsezko oinarri batzuetatik abiatzen da:

  • Feminismoa(k)
  • Hezkidetza
  • Sexu-heziketa feminista
  • Intersekzionalitatea
  • Aniztasuna
  • Kulturartekotasuna
  • Sare lana
  • Partekatutako jakintzak
  • Lokalera lurreratzea
  • Prozesu parte-hartzaileak

Parte hartzen dugu

Errotik Kooperatiban komunitatearen eta sareko lanaren aldeko apustua egiten dugu. Horregatik, ekimen hauetan parte hartzen dugu:

INFORMAZIO GEHIAGORAKO GUREKIN HARREMANETAN JARRI